کراچی(شوبز ڈیسک) پاکستان شوبز انڈسٹری کی معروف ماڈل و اداکارہ سنیتا مارشل کا شمار اس وقت ملک کی ٹاپ ماڈلز اور اداکاراوں میں کیا جاتا ہے نے اپنی کالج لائف کے دلچسپ راز سے پردہ اٹھا دیا ہے۔
سنیتا مارشل نے نجی ٹی وی چنیل کے ایک مارننگ شو میں شرکت کی جس میں انہوں نے اہم زار سے پردہ اٹھا دیا۔اداکارہ نے بات چیت کی دوران اپنی کالج لائف کا ذکر کیا جس میں انہوں نے اس وقت میں کیے جانے والے ایک بڑے فیصلے کے بارے میں بتایا۔
مزید پڑھیں :وہاج علی فلم تیری میری کہانیاں میں مہوش حیات کے ساتھ نظر آئینگے
اداکارہ کا کہنا تھا کہ میں فرسٹ ائیر کے امتحانات کی تیاری کر رہی تھی تو مجھے ایک کمرشل میں کام کی آفر ہوئی جس میں مجھے ایک اشتہار کے لئے سنگاپور جانا تھا۔یہ آفر سن کر میں بہت خوش ہوگئی لیکن اگلے ہی لمحے جب تاریخ بتائی گئی تو میری ساری خوشیاں جیسے ایک طرف ہوگئیں کیونکہ میرے امتحانات چل رہے تھے۔انہوں نے بتایا کہ کیونکہ یہ میرے کیرئیر کا آغاز تھا مجھے یہ سب اتنی آسانی سے مل جائے گا اس کی امید نہیں تھی،بس یہی وجہ تھی کہ میں یہ آفر ہاتھ سے جانے نہیں دے سکتی تھی۔
اداکارہ نے کہا کہ اس کے بعد میں نے پھر گھر والوں کو بیٹھا کر اس مسئلے پر بات کی اور اس نتیجے پر پہنچے کہ امتحان کو چھوڑ دیا جائے اور اگلے سال ضمنی امتحان دیا جائے۔انہوں نے بتایا کہ کافی سوچ بچار کے بعد آخرکار مجھے بورڈ کا امتحان چھوڑ کر شوٹنگ کے لیے جانے کی اجازت مل گئی میں اپنے اس فیصلے کے مطمئن ہوں کیونکہ اس کے بعد سے میرے کرئیر کا آغاز ہوا تھا۔
مزید پڑھیں:بھارتی حاملہ اداکارہ الیانا ڈی کروز نے مائسٹری مین سے منگنی کر لی
