’ ’میں پاکستان میں ان تمام سندھی بولنے والوں سے معذرت کرتا ہوں جو میری غلط رائے سے ناراض ہوئے“سندھی زبان سے متعلق متنازع بیان دینے پر نصیرالدین شاہ نے معافی مانگ لی

ممبئی ( مانیٹرنگ ڈیسک) بولی وڈ فنکار نصیر الدین شاہ کی جانب سے پاکستان میں سندھی زبان سے متعلق اپنی غلطی کا اعتراف کرنے کے بعد اداکار نے ’پاکستان میں سندھی زبان بولنے والوں سے معافی مانگ لی۔‘
بالی وڈ فنکار نصیر الدین شاہ نے ایکفیسبک پوسٹ کی ہے جس میں وہ سندھی زبان سے متعلق متنازع بیان دینے پر سندھی زبان بولنے والوں سے معافی مانگ رہے ہیں ۔بیان کے کئی روز بعد نصیرالدین شاہ نے فیس ب±ک پر لکھا کہ ’میں پاکستان میں ان تمام سندھی بولنے والوں سے معذرت کرتا ہوں جو میری غلط رائے سے ناراض ہوئے، میں مانتا ہوں کہ مجھے علم نہیں تھا لیکن کیا اس کے لیے مجھ پر حملہ کرنا ٹھیک ہے؟انہوں نے مزید لکھا کہ ’سچ کہوں تو کئی سال تک غلطی سے ذہین شخص سمجھے جانے کے بعد ’جاہل‘ اور ’دکھاوے کا دانشور‘ جیسے القاب سے لطف اندوز ہورہا ہوں، یہ بڑی تبدیلی ہے۔

یاد رہے کہ نصیر الدین شاہ نے 5 جون کو بھارتی یوٹیوبر کو دیے گئے انٹرویو میں برصغیر کی زبانوں پر بات کرتے ہوئے سندھی زبان سے متعلق بے بنیاد دعویٰ کیا تھا۔انہوں نے دعویٰ کیا تھا کہ اب سندھی زبان پاکستان میں نہیں بولی جاتی۔ان کی جانب سے پاکستان میں سندھی زبان نہ بولے جانے کے دعوے کے بعد جہاں پاکستانی شوبز شخصیات نے ان کے دعوے پر رد عمل دیا تھا، وہیں عام سوشل میڈیا صارفین نے بھی اداکار کو تنقید کا نشانہ بناتے ہوئے انہیں سندھ آنے کی دعوت دی تھی تاکہ وہ یہاں آکر سندھی زبان بولنے والوں کو دیکھ سکیں۔

“Sindhi, of course, is no longer spoken in Pakistan..”
WTF, Shah Ji? pic.twitter.com/kp4tYlmykG

— Umar Aziz Khan (@UmarAzizKhan9) June 5, 2023