ممبئی (شوبز ڈیسک) بالی ووڈ کنگ شاہ رخ خان نے کہا ہے کہ ہمارے گھر پیار کی روشنی ہے اس لئے بجلی کا بل نہیں آتا۔ بالی ووڈ کے سپر اسٹار شاہ رخ خان اکثر سوشل میڈیا پر مداحوں کے ساتھ سوالات و جوابات کے سیشنز رکھتے ہیں۔ اسی طرح کے ایک سیشن کے دوران مداح نے ان سے ان کے گھر کے بجلی کے بل سے متعلق سوال پوچھ لیا۔ مداحوں سے مکالمہ کرنے کےلئے انہوں نے سوشل میڈیا پر سوالات و جوابات کا سیشن AskSRK بھی رکھا۔ اس دوران شاہ رخ اپنے مداحوں کا جواب دیتے ہوئے نظر آئے لیکن ان کے ایک جواب نے سب کی توجہ اپنی جانب مبذول کروائی۔ مداح نے سوال پوچھا کہ آپ کے گھر کا بجلی کا ماہانہ بل کتنا آتا ہے جس پر شاہ رخ نے تحریر کیا کہ ہمارے گھر میں پیار کا نور پھیلا ہوا ہے۔ اسی سے روشنی ہوتی ہے، بل نہیں آتا۔
