کراچی (شوبز رپورٹر) اداکار شہروز سبزواری نے گزشتہ روز اپنی 38 ویں سالگرہ منائی۔ شہروز سبزواری کی دوسری اہلیہ و اداکارہ اور ماڈل صدف کنول نے فوٹو اینڈ ویڈیو شیئرنگ ایپ انسٹاگرام پر شوہر کو سالگرہ کی مبارک باد دیتے ہوئے محبت بھرا پیغام جاری کر دیا۔
یہ بھی پڑھیں:نیٹ فلکس کی پہلی پاکستانی سیریز، فواد اور ماہرہ ایک ساتھ
”پاکستان ٹائم“کے مطابق اداکارہ صدف کنول نے اپنی پوسٹ میں شہروز کے ہمراہ چند تصاویر جاری کیں جس میں اس جوڑے کو ایک دوسرے کے ہمراہ خوشگوار موڈ میں دیکھا جاسکتا ہے۔ پوسٹ کے ساتھ صدف نے شوہر کے بارے میں اپنے دلی جذبات کا اظہار کرتے ہوئے پیغام جاری کیا جس میں اداکارہ نے اس بات کا اعتراف کیا کہ جب بات ان کی زندگی میں اہمیت کو بیان کرنے کی ہو تو الفاظ کم پڑ جاتے ہیں۔ مزید انہوں نے اپنے شوہر کا انکی زندگی کو اپنی محبت سے مکمل کرنے اور حسین بنانے پر شکریہ بھی ادا کیا۔ کمینٹ سیکشن میں اداکار شہروز نے بھی اپنی اہلیہ کا تہہ دل سے شکریہ ادا کیا اور لکھا کہ میری زندگی میں روشنی کی کرن، میں بھی آپ سے بے حد محبت کرتا ہوں۔
یہ بھی پڑھیں:یمنی زیدی کی سوشل میڈیا پر مقبولیت میں اضافہ،8ملین انسٹا فالوورز ہوگئے
