ممبئی (شوبز ڈیسک) سابق بھارتی کرکٹر یووراج سنگھ اور ان کی اہلیہ سپر ماڈل ہیزل کیچ کے یہاں بیٹی کی ولادت ہوئی ہے۔
یہ بھی پڑھیں:شہروز سبزواری کی سالگرہ پر صدف کنول کا محبت بھرا پیغام
”پاکستان ٹائم “کے مطابق یوراج سنگھ نے انسٹاگرام پر پوسٹ کرتے ہوئے اپنے پرستاروں کو بیٹی کی پیدائش کی خوشخبری سنائی۔ یووراج اور ہیزل نے اپنی بیٹی کی تصویر بھی شیئر کی، دونوں نے اپنے دوسرے بچے کی پیدائش پر مشترکہ پوسٹ کی۔ انہوں نے کہا کہ جاگتی راتیں اب بہت پرلطف لگ رہی ہیں کیونکہ ہم نے اپنی ننھی شہزادی ”اورا“کا استقبال کرکے گھرانے کو مکمل کرلیا۔تصویر میں یووراج اورا کو گود میں لیے ہوئے ہیں جبکہ ہیزل کی گود میں ان کا بیٹا اورین کیچ سنگھ ہے۔یاد رہے کہ یووراج اور ہیزل کی شادی نومبر 2016 میں ہوئی تھی۔
یہ بھی پڑھیں:نیٹ فلکس کی پہلی پاکستانی سیریز، فواد اور ماہرہ ایک ساتھ
