ممبئی (شوبز ڈیسک) ایشیا کپ میں پاک بھارت میچ کے دوران شاداب خان کا رویہ بھارتی اداکارہ حنا خان کو پسند آ گیا۔
ایشیا کپ میں 2 ستمبر کو کھیلے گئے میچ کے دوران بھارتی ٹیم کے آل راونڈر ہاردک پانڈیا کے بیٹنگ کرتے ہوئے جوتے کے تسمے کھل گئے تھے جنہیں شاداب خان نے باندھا تھا۔حنا خان نے شاداب خان کی تصویر سوشل میڈیا اکاونٹ پر شیئر کرتے ہوئے لکھا ہے کہ رحم دلی میں شرافت ہوتی ہے،اس سے کوئی فرق نہیں پڑتا کہ آپ کتنے ماڈرن،باصلاحیت،تعلیم یافتہ،امیر،غریب،کس مذہب سے تعلق رکھتے ہیں،کس ملک سے ہیں یا کون سی زبان بولتے ہیں،اصل میں آپ لوگوں سے کیسا رویہ اختیار کرتے ہیں، یہ آپ کی حقیقت بتاتا ہے۔
یہ بھی پڑھیں:پاکستان ٹائم” جانو بابا “کے دکھ کی آواز بن گیا
