کراچی(شوبز ڈیسک)معروف پاکستانی اداکار عدنان صدیقی نے اپنے ”زندہ“ہونے کی تصدیق کرتے ہوئے کہا ہے کہ میرے مرنے کی افواہوں سے مداح پریشان نہ ہوں،ابھی میں ”زندہ “ہوں۔
یہ بھی پڑھیں:چھ مردوں کے برابر خصوصیات،حرا مانی کے اپنے شوہر بارے بیان نے دھوم مچا دی
“پاکستان ٹائم “کے مطابق معروف پاکستانی اداکار عدنان صدیقی نے سوشل میڈیا پر اپنی موت کی جھوٹی خبروں کی تردید کرتے ہوئے کہا ہے کہ کسی غیرمعروف یوٹیوب چینل پر انکے انتقال کی خبر دی تھی۔مرنے کی خبر والی ویڈیو دیکھنے کے بعد عدنان صدیقی نے طنزیہ انداز میں کہا کہ بہت اچھے آدمی تھے،اللہ انہیں اپنی جوار رحمت میں اعلیٰ مقام اور اہلخانہ کو صبر دے انکے دوستوں کو خوش و آباد رکھے۔عدنان صدیقی نے افسوس کرتے ہوئے کہا کہ میں اس پر کیا کہوں؟میں بالکل ٹھیک ہوں،اللہ کا شکر ہے ابھی تک جوں کا توں ہوں اور لائیو ہوں،پتہ نہیں کس نے یہ جھوٹی خبر پھیلائی ہے؟پریشان مت ہوں،مرنا تو برحق ہے مگر ابھی کچھ دن باقی ہیں،آپ سب لوگ خوش و آباد رہیں اور زندگی سے لطف اندوز ہوتے رہیں۔عدنان صدیقی نے اپنی پوسٹ کے میں لکھا کہ جو لوگ صحافت اور بریکنگ نیوز کے نام پر میرے انتقال کی افواہیں پھیلا رہے ہیں،اگلی مرتبہ یہ خبر دینے سے پہلے مجھے موقع دیں کہ میں خود آپکے سٹوڈیوز آ کر اپنی موت کی تصدیق کروں اور اپنے تاثراتی کلمات بھی تحریر کروں گا۔عدنان صدیقی نے”ایکس“پر بھی مداحوں کے نام پیغام دیا جس میں انہوں نے کہا کہ اس سے پہلے کہ آپ میں سے کوئی یہاں تعزیت کرے،میں سوشل میڈیا پر گردش کرنیوالی میری موت کی جھوٹی خبر کی تردید کرتا ہوں ،میں زندہ ہوں۔
