کراچی (شوبز ڈیسک)پاکستانی معروف اداکارہ جویریہ عباسی اور اداکار و ہدایتکار شمعون عباسی کی بیٹی، نوبیاہتا عنزیلہ عباسی سے سوشل میڈیا صارف نے طلاق سے متعلق سوال پوچھ لیا۔
یہ بھی پڑھیں:کرینہ کپور کی نئی فلم کے پریمیئر شو کی تمام ٹکٹیں ایک گھنٹے میں فروخت
سابقہ اداکارہ و ماڈل عنزیلہ عباسی نے اپنے فالوورز کے ساتھ انسٹاگرام پر ٹاک سیشن رکھا،اس دوران ان کے فالوورز کی جانب سے بے تحاشا سوالات کیے گئے۔ایک صارف کا عنزیلہ سے پوچھنا تھا کہ آپ نے اداکاری کیوں چھوڑ دی؟اس سوال کے جواب میں اداکارہ کا بتانا تھا کہ وہ اب بھی اداکاری کرنا چاہیں گی،کیوں کہ ڈرامہ انڈسٹری کا ماحول بہت زہریلا ہو گیا تھا اور ڈراموں کی کہانیاں اور کردار ان کی سمجھ سے باہر تھے اس لیے انہوں نے اداکاری چھوڑی تھی۔ایک اور سوال کا جواب دیتے ہوئے عنزیلہ عباسی نے بتایا کہ وہ منفی پیغامات بھیجنے والوں کو سوشل میڈیا پر بلاک کر دیتی ہیں۔براہِ کرم نجی سوالات پوچھنے سے گریز کریں۔ٹاک سیشن کے دوران ایک صارف کا پوچھنا تھا کہ آپ طلاق کب لے رہی ہیں؟جس پر جواب دیتے ہوئے عنزیلہ عباسی نے صرف لفظ موت لکھ کر اس منفی سوال سے جان چھڑوائی۔
یہ بھی پڑھیں:پاکستان ٹائم” جانو بابا “کے دکھ کی آواز بن گیا
