کراچی(شوبز ڈیسک)معروف اداکارہ اور نجی ٹی ی چینل کے مقبول ڈرامے ’تیرے بن‘ میں ہیرو مرتسم کی بہن مریم کا کردار ادا کرنے والی حرا سومرو نے شرمناک انکشاف کرتے ہوئے کہا ہے کہ انہیں بچپن سے ہی اداکاری کا شوق تھا لیکن انہیں اجازت نہیں دی جاتی تھی، شادی سے قبل ہی ان کے شوہر سے تعلقات تھے، ان کے شوہر اور انہوں نے مل کر شوہر کی والدہ کو منصوبے میں شریک بنا کر رشتہ طے کروایا۔
یہ بھی پڑھیں:شعیب اختر اداکارہ یشما گل کی آنکھوں کے دیوانے نکلے،ایسی بات کہہ دی کہ اداکارہ بھی شرما جائے
”پاکستان ٹائم “کے مطابق نجی ٹی وی کے مزاحیہ شو میں شریک حرا سومرو کا کہنا تھا کہ ان کا تعلق سندھی گھرانے سے ہے اور سندھی والدین کی کوشش ہوتی ہے کہ ان کے بچے ڈاکٹر،انجینئر یا وکیل بنیں،اس لیے ان پر بھی ایسا ہی دباو تھا،وہ پڑھائی میں بہت اچھی تھیں اور ان کے والدین کی خواہش تھی کہ وہ ڈاکٹر یا وکیل بنیں،والد نے بڑی مشکل سے انہیں میڈیا سٹڈی کی اجازت دی اور پھر انہوں نے بطور ہدایت کارہ کام شروع کیا،انہوں نے پیسے کمانے کی وجہ سے بھی اداکاری کی،کیوں کہ وہ خود مختار بھی ہونا چاہتی تھیں۔شادی کے حوالے سے حرا سومرو کا کہنا تھا کہ انہیں بچپن سے ہی اداکاری کا شوق تھا لیکن انہیں اجازت نہیں دی جاتی تھی،وہ جب بھی والد کو اداکاری کرنے کا بولتیں تو وہ انہیں کہتے پہلے شادی کر لیں،پھر جو چاہے کرنا،اداکاری کے شوق کی وجہ سے بھی انہوں نے جلد شادی کی،انہوں نے اگرچہ اپنے ہاں پہلے بچے کی پیدائش کے بعد اداکاری شروع کی لیکن انہیں اداکاری کرنے کا شوق شروع سے ہی تھا۔حرا سومرو نے بتایا کہ شادی سے قبل ہی ان کے شوہر سے تعلقات تھے اور رشتہ ازدواج میں بندھنے سے تین ماہ قبل ہی انہوں نے شادی کا منصوبہ بنایا تھا،ان کے شوہر کی والدہ نے اپنے شوہر سے بیٹے کی شادی کی بات کی، جنہوں نے ان کے والد سے رشتہ مانگا اور ان کا رشتہ ہو گیا،گھر والوں کو یہی لگا کہ ان کی شادی ارینج میریج ہے لیکن درحقیقت انہوں نے پسند کی شادی کی اور انہوں نے خود ہی شادی کا منصوبہ بنایا۔اداکارہ نے انکشاف کیا کہ وہ جلد ہی پہلی فلم میں دکھائی دیں گی تاہم انہوں نے فلم سے متعلق مزید کوئی تفصیلات نہیں بتائیں۔
