لاہور (شوبز ڈیسک)دوسری شادی کرنے پر تنقید کرنیوالوں کو ماڈل و اداکارہ کرن اشفاق نے کرارا جواب دیدیا۔ کرن اشفاق نے ناقدین کو مخاطب کرتے ہوئے لکھا کہ آپ کا مطلب ہے کہ میں بیٹھی رہتی؟ میرے والدین مجھے تنہا دیکھ کر روتے اور پریشان رہتے؟ کیا میں شادی نہ کرتی بس کسی کی طلاق کے نام پر بیٹھی رہتی؟ انہوں نے ایک اور صارف کو جواب دیتے ہوئے کہا کہ عمران اشرف سے طلاق لی نہیں تھی بلکہ عمران اشرف نے طلاق دی تھی۔اس کے ساتھ ہی انہوں نے اظہار تشکر کرتے ہوئے لکھا کہ اللہ تعالی نے بہتر انسان سے نوازا ہے۔ یادرہے کہ کرن اشفاق کی پہلی شادی کی ناکامی کے ایک سال بعد اچانک دوسری شادی کی خبر نے سوشل میڈیا صارفین کو حیرت میں مبتلا کر دیاتھا۔
