لاہور(شوبز ڈیسک) سینئر اداکار اور مصنف شوکت زیدی 72 سال کی عمر میں انتقال کرگئے، وہ کچھ عرصہ سے گردوں کے بیماری کا شکار اور لاہور کے نجی ہسپتال میں زیر علاج تھے۔ تفصیلات کے مطابق شوکت زیدی 1970 سے 1998 تک صحافت کے شعبے کے ساتھ منسلک رہے، بطور مصنف افسانے اور غزلیں لکھنے کے علاوہ 10 سال تھیٹر کے لیے بھی لکھا،لاتعداد ڈراموں میں اپنی اداکاری کے جوہر دکھائے مگر ان کو حقیقی شہرت جیو کے پروگرام’’ ہم سب امید سے ہیں‘‘ سے ملی جس میں انہوں نے مختلف قسم کے دلچسپ کردار ادا کیے۔
