ممبئی (شوبز ڈیسک)بھارتی فلم پروڈیوسر اور اداکارارباز خان کی شادی کے بعد بالآخر سابقہ دوست نے بھی خاموشی توڑ دی اورجوڑے کیلیے نیک خواہشات کا اظہارکرتے ہوئے کہاہے کہ میں بھی اپنی زندگی میں آگے بڑھ گئی ہوں، ارباز خان سے علیحدگی کے بعد کسی خاص اداکار کے ساتھ تعلقات کی خبروں میں کوئی صداقت نہیں ۔ اپنے ایک انٹرویو میں جارجیا اینڈریانی نے ارباز خان کے ساتھ اپنے بریک اپ اور اپنی ڈیٹنگ کے حوالے سے زیر گردش خبروں پر بات کی اور کہاکہ ارباز خان بہت اچھے انسان ہیں، کسی کے ساتھ تعلق کو چھوڑنا آسان نہیں ہوتا لیکن ہم جدا ہوگئے، میری نیک تمنائیں اس کے ساتھ ہیں، زندگی کے نئے سفر کا آغاز ہوا ہے۔ارباز خان اور جارجیا 2018 سے ڈیٹنگ کررہے تھے، ان کا بریک اپ 2023 کے ابتدا میں ہوگیا تھا اور سال کے آخر میں علیحدگی کی تصدیق ہوئی۔
