کراچی (شوبز ڈیسک )پاکستان کے لیجنڈری اداکار مصطفی قریشی نے اپنی قبر کی جگہ وہاں مختص کروادی اور کہاہے کہ ان کی خواہش ہے کہ انتقال کے بعد ان کی تدفین ان کی اہلیہ کے قریب کی جائے ،یادرہے کہ ان کی اہلیہ گلوکارہ و اداکارہ روبینہ قریشی جولائی 2022 میں انتقال کر گئی تھیں۔ ایک یوٹیوب چینل کو دیے گئے انٹرویو میں مصطفی قریشی نے بتایا کہ ان کی اہلیہ کی قبر کے لیے 5 لاکھ روپے کا معاوضہ دیا گیا تھا جو محکمہ ثقافت سندھ نے محکمہ اوقاف کو دیا تھا ، وہ سمجھتے ہیں کہ سندھ حکومت نے پیسے ایک جیب سے نکال کر دوسری جیب میں ڈالے،خواہش ہے کہ مرنے کے بعد انہیں بھی اہلیہ کے قریب دفنایا جائے اور اب وہاں ایک ہی قبر کی جگہ بچ گئی جو انہوں نے اپنے لیے مختص کروا رکھی ہے تاہم فی الحال اس جگہ کی ادائیگی نہیں کی گئی ۔ سینیئر اداکار نے مطالبہ کیا کہ فنکاروں سے قبر کا معاوضہ نہیں لیا جانا چاہیے۔
