کراچی (شوبز ڈیسک)پاکستانی اداکار حمزہ علی عباسی نے آئیٹم سانگ کو جنسی خواہشات ابھارنے والا میٹیریل قراردیدیا اور کہاہے کہ وہ کسی طرح کے آئٹم سانگ کے حق میں نہیں کیوں کہ ان کی نظر میں ایسے گانے جنسی خواہشات کو بیدار کرنے والی شاعری اور مناظر پر مبنی ہوتے ہیں۔ سوشل میڈیا پر وائرل ویڈیو میں دیکھا جا سکتا ہے کہ اداکار احد رضا میر سمیت دیگر اداکاروں کے ساتھ حمزہ آئٹم سانگس پر گفتگو کر رہے ہیں۔انہوں نے واضح طور پر آئٹم سانگس کی مخالفت کرتے ہوئے کہا کہ وہ کسی بھی صورت میں ایسے گانوں کے سپورٹ نہیں کرسکتے، وہ بیہودہ شاعری اور مناظر پر مبنی گانوں کے حق میں نہیں۔ حمزہ علی عباسی کے مطابق آئٹم سانگ کی شاعری اور ان کے مناظر جنسی خواہشات کو ابھارنے والے ہوتے ہیں اور جن لوگوں کا کہنا ہوتا ہے کہ ایسے گانوں کے مناظر کو بلر کیا جائے یا ڈانس کرنے والوں کو مکمل لباس میں دکھایا جائے وہ غلط ہیں۔
