ممبئی(شوبز ڈیسک) بالی ووڈ اداکارارشد وارثی کے 25 سال بعد شادی رجسٹرڈ کروانے کی وجہ سامنے آگئی ،یادرہے کہ وارثی نے سال 1999 میں 14 فروری کو ماریہ گورٹی کے ساتھ شادی کی تھی، اس جوڑی کے دو بچے ہیں۔ بھارتی میڈیا کے مطابق ارشد وارثی اور ان کی اہلیہ ماریہ گورٹی نے عدالت میں اپنی شادی رجسٹر کروائی، اس حوالے سے اداکار نے کہا کہ ان کے ذہن میں کبھی شادی رجسٹر کروانے کا خیال نہیں آیا لیکن اب انہیں جائیداد کے معاملات سے نمٹنے کے دوران اس کی اہمیت کا احساس ہوا، اگر جائیداد کے معاملات نہیں ہوتے تو وہ کبھی اپنی شادی رجسٹر نہیں کرواتے کیونکہ 25 سال سے وہ اور ان کی اہلیہ ایک مضبوط رشتے میں ہیں تو اسی لیے انہیں کبھی قانونی کارروائیوں کی ضرورت محسوس نہیں ہوئی۔
