لاہور (شوبز ڈیسک)شوبز کی دنیا کے مقبول ستارے سیاست کے میدان میںبھی قسمت آزمائی کرتے رہتے ہیں،ملک میں جاری سیاسی گرما گرمی میں جہاں مشہور شخصیات بھی تبصرہ کرنے سے پیچھے نہیں، وہیں خلیل الرحمان قمر نے آئندہ الیکشن میں پی ٹی آئی کے ٹکٹ پر انتخابات لڑنے کا اعلان کر دیا۔
پاکستان کے معروف فلم اور ڈرامہ رائٹر خلیل الرحمان قمر کی جانب سے یہ اعلان اپنے مائکرو بلاگنگ ویب سائٹ پر اپلوڈ کی گئی پوسٹ میں کیا،جس میں رائٹر کا کہنا تھا کہ انشاءاللہ اگلی بار میں الیکشن لڑوں گا۔اس پوسٹ پر صارفین کی جانب سے بھی تجسس پایا جا رہا تھا،ایسے میں ایک صارف نے پوچھ ہی لیا سر پی ٹی آئی کی سیٹ سے نا؟جس پر ردعمل دیتے ہوئے خلیل الرحمان قمر کا کہنا تھا کہ ظاہر سی بات ہے،اگلی بار الیکشن لڑنے کے فیصلے پر آپ سب نے جتنا پیار دیا ہے،میں اُس پیار کے صدقے۔خلیل الرحمان قمر کا کہنا تھا کہ فرقہ بندی،برادری ازم،مہنگے انگلش سکول، اور سیاسی جماعتوں کی باہمی نفرت،یہ ہے میرے ملک کی ترقی کے سامنے سیسہ پلائی دیوار کی طرح کھڑی رکاوٹیں۔
