ممبئی (شوبز ڈیسک) فلم’بچنا اے حسینوں‘میں کاسٹ ہونے اور پھر غائب ہونے بارے بالآخر کترینہ کیف نے خاموشی توڑ دی اور دعویٰ کیا ہے کہ فلم میں سے میرا کردار کاٹ دیا گیا تھا تاکہ رنبیر کپور کو فلم میں زیادہ نمایاں کیا جاسکے۔ اس وجہ سے میں بچنا اے حسینوں میں کام کرنے کے باوجود فلم کا حصہ نہیں بن سکی۔ بھارتی میڈیا کی ایک رپورٹ کے مطابق اپنے ایک حالیہ انٹرویو میں اداکارہ نے بتایا کہ رنبیر کپور کی فلم بچنا اے حسینوں میں دیپیکا پڈوکون، بپاشا باسو اور منیشا لامبا کے ساتھ میں چوتھا کردار تھی۔رنبیر کپور ان لڑکیوں سے محبت کے دعوے کرتا تھا اور فلم اسی کہانی کے گرد گھومتی تھی، مجھے یہ کہانی پسند آئی تھی اور آڈیشن کے بعد میری سلیکشن بھی چوتھی لڑکی کردار کے طور پر ہوگئی۔
