لاہورسپورٹس رپورٹر)پاکستان کرکٹ بورڈ (پی سی بی) کے سابق چیئرمین رمیز راجا نے پنشن کیلئے گٹھنے ٹیکتے ہوئے بورڈ کے کوڈ آف کنڈکٹ پر دستخط کردیئے۔
تفصیلات کے مطابق سابق چیئرمین رمیز راجہ نے پنشن کیلئے پاکستان کرکٹ بورڈ کے کوڈ آف کنڈکٹ پر دستخط کردیے ہیں۔رمیز راجہ کو پی سی بی سے ماہانہ 1 لاکھ 54 ہزار روپے پنشن ملے گی، انہوں نے بطور کرکٹر کرکٹ بورڈ کو پنشن کیلئے درخواست دی تھی۔رمیز راجہ کو پنشن پی سی بی قانون کے تحت دی جائے گی، سابق چیئرمین رمیز راجہ نے اپنے دور میں کرکٹرز کی پنشن میں ایک لاکھ روپے کا اضافہ کیا تھا۔
کوڈ آف کنڈکٹ پر دستخط کرنے کے بعد رمیز راجہ بورڈ پر تنقید نہیں کرسکیں گے۔رمیز راجہ کو 24 دسمبر 2022 کو وزیرِ اعظم کی جانب سے جاری نوٹیفیکیشن کے ذریعے برطرف کر دیا گیا تھا اور ان کی جگہ نجم سیٹھی کی سربراہی میں ایک 15 رکنی مینجمنٹ کمیٹی تشکیل دی گئی تھی۔جب سے رمیز راجہ کو پی سی بی چئیرمین کے عہدے سے ہٹایا گیا ہے وہ مسلسل بورڈ کو تنقید کا نشانہ بناتے آرہے ہیں۔ رمیز راجہ کی زیادہ تر تنقید نئے چئیرمین پی سی بی نجم سیٹھی سے متعلق ہوتی ہے۔
