سڈنی(مانیٹرنگ ڈیسک)آسٹریلوی ٹیم کے سابق کپتان مائیکل کلارک کو ان کی خاتون دوست نے تھپڑ رسید کر دیا۔
آسٹریلوی میڈیا کا دعویٰ ہے کہ مائیک کلارک ’گھریلو تشدد‘ کا شکار ہوئے جنہیں ان کی دوست نے اشتعال میں آکر زوردار تھپڑ مارا۔قدرے دورسے کیمرے کی زد میں آنے والے اس واقعے کی ویڈیو وائرل ہے جس میں مائیکل کلارک کو ان کی گرل فرینڈ کےساتھ بحث کرتے دیکھا جا سکتا ہے۔جھگڑے کے دوران کلارک اور ان کی دوست کے علاوہ دیگر لوگ بھی وہاں موجود ہیں جو مداخلت بھی کرتے نظر آ رہے ہیں۔
صحافی پیٹر فورڈ نے واقعے کی ویڈیو شیئر کرتے ہوئے لکھا کہ یہ معاملہ ختم ہوگیا،پولیس نے کسی پر چارجز عائد کیے بغیر اپنی تفتیش بند کردی لیکن اس کا مطلب یہ نہیں کہ میڈیا اس حوالے سے کھوج جاری نہیں رکھے گا تاہم پولیس والے آگے بڑھ چکے ہیں۔آسٹریلوی ذرائع ابلاغ کے مطابق یہ واقعہ گزشتہ ماہ 10 جنوری کو پیش آیا تھا۔دوسری جانب کوئنز لینڈ پولیس نے بھی معاملے کی تحقیقات کا آغاز کر دیا ہے۔پولیس کے ایک ترجمان نے کہا کوئنز لینڈ پولیس اس ماہ کے شروع میں نوساویل کے جمپی ٹیرس پر لائنز پارک کی فوٹیج میں ایک 30 سالہ خاتون اور 41 سالہ مرد کے درمیان ہونے والے واقعے کی تحقیقات کر رہی ہے تاہم مزید کوئی تبصرہ کرنے سے گریز کیا ہے۔
