دوحا(سپورٹس رپورٹر)پاکستان کرکٹ ٹیم کے سابق فاسٹ باولر شعیب اختر نے ایشیا کپ میچز کے حوالے سے کہا ہے کہ اگر یہ میچز پاکستان میں نہیں ہوتے پھر سری لنکا میں کروا لینے چاہئیں۔
”پاکستان ٹائم “ کے مطابق دوحا میں میڈیا سے گفتگو کرتے ہوئے راولپنڈی ایکسپریس شعیب اختر کا کہنا تھا کہ میری خواہش ہے کہ ایشیا کپ کے میچز پاکستان میں ہوں،اگر ایسا نہیں ہوتا تو پھر سری لنکا میں یہ مقابلے کروا نے چاہئیں۔انہوں نے کہا کہ ایشیا کپ اور ورلڈ کپ کے فائنل پاکستان اور بھارت کے درمیان ہونے چاہئیں،انٹرنیشنل کرکٹ کونسل (آئی سی سی)اور ایشین کرکٹ کونسل کا پاک بھارت میچ سے بڑا کوئی مقابلہ نہیں۔واضح رہے کہ ایشیا کپ کی میزبان پاکستان کو ملی ہوئی ہے لیکن بھارت پاکستان میں کھیلنے سے انکاری ہے،جس کے ردعمل میں پاکستان کی جانب سے بھی بھارت میں ہونے والے ورلڈکپ میں شرکت نہ کرنے کا عندیہ دیا گیا ہے۔یاد رہے کہ لیجنڈز کرکٹ ٹورنامنٹ ویسٹ اینڈ پارک انٹرنیشنل کرکٹ سٹیڈیم دوحا میں 10 مارچ سے جاری ہے،شعیب اختر بھی دیگر پاکستانی کھلاڑیوں کے ساتھ اس ٹورنامنٹ میں شریک ہیں۔
