دوحا(سپورٹس ڈیسک)پاکستانی کرکٹ ٹیم کے سابق کپتان اور حال ہی میں لیجنڈ لیگ جیتنے والی ٹیم کے فاتح کپتان شاہد آفریدی نے بھارتی نریندرا مودی کو پیغام دیتے ہوئے کہا ہے کہ بھارتی ٹیم کو پاکستان کا دورہ کرنے دیں کیونکہ پاکستانی ہمیشہ امن کے لیے کھڑے ہیں۔
”پاکستان ٹائم“ کے مطابق دوحا میں میڈیا سے گفتگو کرتے ہوئے سے گفتگو کرتے ہوئے شاہد آفریدی نے کہا کہ دونوں ممالک کے کرکٹ شائقین اپنی ٹیموں کے درمیان امن سیریز دیکھنا چاہتے ہیں اس لیے بھارتی وزیر اعظم نریندرا مودی ایشیا کپ کے لیے اپنی ٹیم بھیجیں۔بھارتی صحافی کا کہنا تھا کہ نریندرا مودی اس لیے ناخوش ہیں شاہد آفریدی نے مقبوضہ کشمیریوں پر بھارتی حکومت کے ظلم پر آواز اٹھائی۔جس پر شاہد آفریدی نے جواب دیا کہ وہ دنیا بھر میں ظلم کے خلاف بولتے ہیں اور ظالم کے خلاف بولیں گے چاہے وہ کسی بھی مذہب سے ہوں،لیجنڈز لیگ کے دوران سابق پاکستانی اور بھارتی کرکٹرز کے درمیان بہت سے دوستانہ لمحات آئے،جنہیں جاری رہنا چاہیے۔
