دبئی(سپورٹس ڈیسک ) انٹرنیشنل کرکٹ کونسل(آئی سی سی)اور بنگلہ دیش کرکٹ بورڈ(بی سی بی)نے پاکستان کے ورلڈکپ 2023 میں میچز بھارت سے منتقل کرنے کی رپورٹس کو بے بنیاد قرار دیدیا۔
معروف کرکٹ ویب سائٹ کرک بز کی رپورٹ کے مطابق آئی سی سی کے اعلی عہدیدار نے انکشاف کیا ہے کہ میٹنگ کے دوران بنگلہ دیش میچز منتقل کرنے کی کوئی بات نہیں ہوئی۔بنگلہ دیش کرکٹ بورڈ(بی سی بی)کے چیف نظام الدین کا کہنا ہے کہ پاکستان کے ورلڈکپ کی میزبانی سے کوئی پیشرفت سے آگاہ نہیں کر سکتا۔
یاد رہے کہ اس سے قبل پاکستان کرکٹ بورڈ (پی سی بی)کے سابق سی ای او اور اٹرنیشنل کرکٹ کونسل (آئی سی سی)کے جنرل مینجر وسیم خان کا کہنا تھا کہ مجھے نہیں لگتا ہندوستان میں شیڈول 2023 کے ورلڈکپ کیلئے پاکستان ٹیم بھارت کا دورہ کرے گی۔انٹرویو میں وسیم خان کے بیان کے بعد بھارتی کرکٹ بورڈ(بی سی سی آئی) کے ایک عہدیدار نے اپنے بیان میں کہا تھا کہ انہیں پی سی بی کے سی ای او جیسا برتاو چھوڑ دینا چاہیے۔دوسری جانب رپورٹ میں کہا گیا ہے کہ پاکستان اور بھارت کے درمیان ورلڈکپ میں شیڈول میچ دہلی، چنئی یا احمد آباد کے نریندر مودی کرکٹ سٹیڈیم میں کھیلے جانے امکان ہے۔
