کراچی (سپورٹس ڈیسک) پاکستان نے تیسرے ون ڈے میچ میں نیوزی لینڈ کو شکست دیکر سیریز جیت لی۔ نیوزی لینڈ کی ٹیم 288 رنز ہدف کے تعاقب میں 261 پرآل آﺅٹ ہوگئی۔ مہمان ٹیم کے خلاف پانچ میچوں کی سیریز میں قومی ٹیم کو 0-3 کی ناقابلِ شکست برتری حاصل ہوگئی۔
”پاکستان ٹائم“ کے مطابق کراچی کے نیشنل بینک کرکٹ ایرینا میں کھیلے گئے اس میچ میں پاکستان نے نیوزی لینڈ کو جیت کےلیے 288 رنز کا ہدف دیا، جس کے تعاقب میں کیوی ٹیم 261 رنز پر آل آو¿ٹ ہوگئی۔ اس سے قبل پاکستان نے بیٹنگ کا آغاز کیا تو فخر زمان ابتدا میں ہی آﺅٹ ہوگئے ، انہوں نے 19 رنز سکور کیے ، امام الحق نے 90 ، کپتان بابر اعظم نے 54 رنز کی اننگز کھیلی۔کراچی میں کھیلے جانے والے میچ میں نیوزی لینڈ نے ٹاس جیت کر پاکستان کو پہلے بیٹنگ کی دعوت دی ۔پاکستان کی اننگز کا آغاز ہوا تو مسلسل تین اننگز میں سنچریاں بنانے والے فخر زمان صرف 19 رنز بنا کر آوٹ ہوئے۔ اوپننگ بلے باز امام الحق اور بابر اعظم کے درمیان سنچری پارٹنرشپ نے ٹیم کے لیے بڑے اسکور کی بنیاد ڈالی۔ بابر اعظم اپنی 26ویں نصف سنچری بنانے کے بعد 145 کے مجموعے پر آو¿ٹ ہوئے، انہوں نے 54 رنز اسکور کیے۔ نئے آنے والے بلے باز عبداللّٰہ شفیق آج بھی متاثر کن پرفارمنس نہ دے سکے اور صرف 19 رنز کے مہمان ٹھرے، تاہم دوسری جانب موجود امام الحق محتاط انداز میں رنز بناتے رہے۔ امام الحق اس وقت بدقسمت ٹھہرے جب 90 کے اسکور پر ایڈم ملن کی گیند پر بولڈ ہوگئے اور سنچری نہ بناسکے۔ وکٹ کیپر بیٹر محمد رضوان اور آغا سلمان نے بالترتیب 32، 31 رنز بناکر ٹیم کے اسکور کو بہتر اسکور پر لا کھڑا کیا۔ اختتامی لمحات میں شاداب خان نے 21 اور محمد نواز نے 11 رنز بنائے جبکہ پوری ٹیم مقررہ 50 اوورز میں 6 وکٹوں کے نقصان پر 287 رنز بناسکی۔نیوزی لینڈ کی جانب سے میٹ ہینری کامیاب بولر ٹھہرے، انہوں نے 3 وکٹیں لیں۔ ایڈم ملن نے دو جبکہ کول میک کونچی نے ایک کھلاڑی کو آو¿ٹ کیا۔ہدف کے تعاقب میں کیوی ٹیم نے بھی زبردست آغاز کیا، اوپننگ بلے باز ٹام بلنڈل اور ول ینگ نے 83 رنز کی پارٹنر شپ بنائی۔ تاہم اسکے بعد قومی بولرز نے نپی تلی بولنگ اور بہترین فیلڈنگ کا مظاہرہ کرتے ہوئے نیوزی لینڈ کے لیے اس آسان ہدف کو مشکل بنا دیا۔ گو کہ نیوزی لینڈ کے کھلاڑیوں نے اسکور میں اپنا حصہ ڈالا، لیکن وہ ہدف تک پہنچنے میں ناکام رہے۔ مہمان ٹیم کی جانب سے ٹام بلنڈل نے 65 اور کولن میک کونچی نے 61 رنز کی اننگز کھیلیں۔ نیوزی لینڈ کی پوری ٹیم آخری اوور میں 261 رنز بنا کر آل آو¿ٹ ہوگئی۔پاکستان ٹیم میں کپتان بابر اعظم، فخر زمان، امام الحق، عبداللّٰہ شفیق، محمد رضوان، شاداب خان، ا?غا سلمان، محمد نواز، شاہین ا?فریدی، محمد وسیم اور نسیم شاہ شامل تھے۔نیوزی لینڈ کی ٹیم میں کپتان ٹام لیتھم، ول ینگ، ٹام بلنڈل، ڈیرل مچل، مارک چیپمین، ہینری نکولس، کول میک کونچی، ایڈم مِلن، ہینری شپلی، اِش سوڈھی اور میٹ ہنری شامل تھے۔پاکستان نے پہلے ون ڈے میں 289 رنز کا ہدف 5 وکٹ پر حاصل کیا اور دوسرے ون ڈے میں 337 رنز کا ہدف صرف 3 وکٹ پر پورا کر کے سیریز میں دو صفر کی برتری حاصل کی تھی۔
