دبئی ( مانیٹرنگ ڈیسک) آئی سی سی نے نئی ون ڈے اور ٹیسٹ رینکنگ جاری کردی ہے جس میں قومی کرکٹ ٹیم کے کپتان بابراعظم کی پہلی پوزیشن برقرار ہے۔نئی رینکنگ میں قومی کرکٹ ٹیم کے3 کھلاڑی ٹاپ 10 میں شامل ہیں۔ کپتان بابر اعظم کی پہلی پوزیشن برقرار ہے جبکہ دوسرے نمبر پر پاکستان ہی کے جارحانہ بلے باز فخر زمان موجود ہیں۔ون ڈے رینکنگ میں قومی ٹیم کے بلے باز امام الحق دو درجہ تنزلی کے بعد پانچویں نمبر پر آگئے۔
ا”پاکستان ٹائم“ کے مطابق آئی سی سی کی طرف سے جاری کردہ نئی رینکنگ کے مطابق ون ڈے بیٹنگ رینکنگ میں قومی کرکٹ ٹیم کے کپتان بابر اعظم کی پہلی پوزیشن برقرار ہے جبکہ دوسرے نمبر پر پاکستان ہی کے جارحانہ بلے باز فخر زمان موجود ہیں۔ون ڈے رینکنگ میں قومی ٹیم کے بلے باز امام الحق دو درجہ تنزلی کے بعد پانچویں نمبر پر آگئے۔باولنگ رینکنگ کی بات جائے تو قومی ٹیم کے فاسٹ باولر شاہین شاہ ٓفریدی کی بھی دو درجے تنزلی ہوئی ہے جس کے بعد وہ فہرست میں دسویں نمبر پر آگئے۔ فہرست میں آسٹریلوی باولر جوش ہیزلووڈ پہلے نمبر پر موجود ہیں۔آل راونڈر رینکنگ میں بنگلہ دیش کے کھلاڑی شکیب الحسن پہلے نمبر پر براجمان ہیں جبکہ پاکستان کا کوئی کھلاڑی ٹاپ 10 میں موجود نہیں۔
