لاہور (سپورٹس رپورٹر)پاکستانی کرکٹ ٹیم اس سال کے اواخر میں آسٹریلیا کا دورہ کرے گی جہاں وہ تین ٹیسٹ میچوں کی سیریز کھیلے گی۔ یہ سیریز جو بینو قادر ٹرافی کے نام سے کھیلی جائے گی تیسری ورلڈ ٹیسٹ چیمپئن شپ کا حصہ ہوگی۔دورے کا پہلا ٹیسٹ چودہ دسمبر سے پرتھ اسٹیڈیم میں کھیلا جائے گا۔
”پاکستان ٹائم“ کے مطابق پاکستانی ٹیم دورے کا آغاز چار روزہ وارم اپ میچ سے کرے گی۔ تینوں ٹیسٹ میچز پرتھ۔ میلبرن اور سڈنی میں کھیلے جائیں گے۔ یہ پہلا موقع ہوگا کہ پاکستانی ٹیم اس گراو¿نڈ میں ٹیسٹ کھیلے گی اس سے قبل پاکستانی ٹیم پرتھ کے مشہور واکا گراونڈ میں ٹیسٹ میچز کھیلتی رہی ہے۔سیریز کا دوسرا ٹیسٹ جو باکسنگ ڈے ٹیسٹ کے طور پر مشہور ہے چھبیس دسمبر سے میلبرن کرکٹ گراو¿نڈ میں کھیلا جائے گا۔ سیریز کا تیسرا اور آخری ٹیسٹ تین جنوری 2024سے سڈنی کرکٹ گراو¿نڈ میں کھیلا جائے گا۔پاکستانی ٹیم میلبرن اور سڈنی میں دو دو ٹیسٹ میچز جیت چکی ہے۔ کپتان بابراعظم کا آسٹریلیا کا تیسرا ٹیسٹ ٹور ہوگا۔ اس سے قبل وہ دسمبر 2016میں مصباح الحق اور نومبر 2019میں اظہرعلی کی قیادت میں آسٹریلیا میں ٹیسٹ کھیل چکے ہیں۔
آسٹریلیا پاکستان ٹیسٹ سیریز کا شیڈول
14سے 18دسمبر۔ پہلا ٹیسٹ پرتھ اسٹیڈیم۔
26سے30 دسمبر۔ دوسرا ٹیسٹ میلبرن کرکٹ گراو¿نڈ۔
3سے7 جنوری۔ تیسرا ٹیسٹ۔ سڈنی کرکٹ گراو¿نڈ۔
