اسلام آباد(سپورٹس رپورٹر)قومی کرکٹ ٹیم کے ڈائریکٹر مکی آرتھر نے کہا ہے کہ پاکستان پچھلے ورلڈکپ سے بہتر ٹیم ہے، کھلاڑی بہت باصلاحیت ہیں، ایسی ٹیم تیار ہوسکتی ہے ،بابر اعظم کی کھیل سے متعلق حکمت عملی بہتر سے بہتر ہو رہی ہے، وہ اپنی بیٹنگ کو بھی مضبوط کر رہا ہے، ورلڈکپ کی ٹیم میں سرفراز احمد کی شمولیت واضح نہیں، بہت سے کھلاڑی ورلڈکپ کیلئے تیاری کر رہے ہیں۔
اپنے ایک انٹرویو میں مکی ا?رتھر نے بتایا کہ پاکستان کرکٹ ٹیم کے کھلاڑی کافی پر اعتماد ہیں، نیوزی لینڈ کے خلاف ٹی ٹوئنٹی سیریز میں پاکستانی ٹیم کی کارکردگی اطمینان بخش نہیں تھی لیکن ون ڈیسیریز میں اچھی کارکردگی پیش کی، ٹیسٹ ٹیم کے ساتھ بہت زیادہ کام کرنے کی ضرورت ہے، پاکستان کرکٹ سے متعلق میرے پاس کئی منصوبے ہیں،اگر نجم سیٹھی نہ ہوتے تو میں ٹیم ڈائریکٹر بھی نہ ہوتا۔
