اسلام آباد(سپورٹس رپورٹر)پاکستان کرکٹ بورڈ(پی سی بی) کے سابق چیئرمین رمیز راجہ نے ایشیا کپ کے معاملے پر نجم سیٹھی کوہی شدیدتنقید کا نشانہ بنا ڈالا اور ایشیاکپ یورپ اور پی ایس ایل دبئی میں کروانے کی باتوں سے کرکٹ کہاں لیجائی جارہی ہے جبکہ پی سی بی کے ریجنل انتخابات میں دھاندلی کی جا رہی ہے،شان مسعود کے پاس فارم نہیں تو زبردستی کیوں کھلایا جائے،پاکستان کرکٹ ٹیم کا کمبی نیشن مشکل سے بنایا لیکن چھیڑ چھاڑ جاری ہے۔
اپنے ایک بیان میں رمیز راجہ کا کہنا تھا کہ پاکستان کرکٹ بورڈ کی منیجمنٹ کمیٹی کے چیئرمین نجم سیٹھی نے انگلینڈ میں ایشیا کپ کھیلنے کی بات کی جس کا کوئی جواز نہیں بنتا۔رمیز راجہ نے کہا کہ ایشیاکپ کا مقصد برصغیر کی کنڈیشنز سے ورلڈکپ سے قبل ہم آہنگ ہونا ہے،نجم سیٹھی نے ایشیاکپ کا فائنل لارڈز میں کرانے کا کہا ہے،ان کا کہنا تھا کہ مشکل اقدامات کر کے پاکستان میں بڑی ٹیموں کو دورہ کروایا ہے،نجم سیٹھی کہہ رہے ہیں کہ ٹیکس کے باعث پی ایس ایل عرب امارات لے کر جانا چاہیے۔
