لاہور(سپورٹس ڈیسک )معروف پاکستانی لیگ سپنر عثمان قادر نے کہا ہے کہ بابر اعظم کی دوستی نے مجھے فائدے سے زیادہ نقصان پہنچایا،ہم دونوں پر ہی دباو پڑا۔
یہ بھی پڑھیں:ایشیا کپ کمنٹری پینل میں شامل ناموں کا اعلان،رمیز راجا شامل ہیں یا نہیں؟جانئے
پاکستان ٹائم “ کے مطابق معروف کرکٹ ویب سائٹ کو دیئے گئے انٹرویو میں عثمان قادر نے کہا کہ بابر اعظم کے ساتھ میرا تعلق آج سے نہیں ہے،ہم دونوں نے انڈر 15 کے ٹرائلز ایک ساتھ دیے،مجھے بابر نہیں مصباح الحق ٹیم میں لائے،یہ پاکستان کی ٹیم ہے بابر اعظم کی نہیں،میں اگر دوستی کی وجہ سے شامل ہوتا تو کبھی باہر نہ ہوتا،بابر سے دوستی مجھے ہمیشہ مہنگی پڑی،فائدے سے زیادہ نقصان پہنچا،ہمیشہ ہم دونوں پردباو پڑا۔ لیگ سپنر نے کہا کہ مجھے اپنی کارگردگی ثابت کرنے کیلیے مسلسل مواقع نہیں دیے گئے،ٹیم میں اندر باہر ہونا سب کے ساتھ ہوتا آیا ہے،لیگ کرکٹ سمیت جہاں موقع مل رہا ہے،اپنی پرفارمنس اور فٹنس میں بہتری لانے کی کوشش کر رہا ہوں،ڈومیسٹک سیزن میں بہترین پرفارمنس سے ایک بار پھر خود کو قومی ٹیم میں واپسی کا اہل ثابت کرنا چاہتا ہوں۔
یہ بھی پڑھیں:ایشیا کپ میں پاک بھارت میچ مہنگے ترین ٹکٹ چند گھنٹوں میں فروخت
عثمان قادر نے کہا کہ شاداب خان اور اسامہ میر کی موجودگی میں مقابلہ زیادہ ہو چکا،مجھے علم ہے کہ واپسی آسان نہیں ہو گی مگر میرا کام محنت کر کے خود کو سلیکشن کے قابل بنانا ہے،کینیڈا لیگ کھیلنے کا تجربہ بہت اچھا رہا، اب نیٹ پریکٹس میں خامیوں کو دور کرنے پر توجہ ہے،میں دعا گو ہوں کہ پاکستان ایشیا کپ اور ورلڈ کپ میں ٹرافی اپنے نام کرے۔
یہ بھی پڑھیں:ورلڈ کپ شروع ہونے سے قبل ہی شاہین آفریدی نے اپنے ارادے ظاہر کردیئے
