میڈرڈ(سپورٹس ڈیسک)سپینش فٹ بال لیگ لالیگا میں پوائنٹس ٹیبل پر ریال میڈرڈ پہلے اور گیرونا دوسرے نمبر موجود ہیں،دونوں ٹیموں کے 25،25 پوائنٹس ہیں۔
یہ بھی پڑھیں:ورلڈ کپ،بھارت نے مسلسل پانچویں فتح حاصل کر لی
پاکستان ٹائم کے مطابق سپینش فٹ بال لیگ لالیگا رواں سال 11اگست 2023 کو شروع ہوا اور 26 مئی 2024 کو اختتام پذیر ہو گا،بارسلونا دفاعی چیمپئن ہے،جس نے گزشتہ سیزن میں اپنا 27واں ٹائٹل جیتا تھا،اب تک کھیلے گئے لیگ میچز میں 16ٹیمیں 10،10میچز کھیل چکی ہیں جس میں ریال میڈرڈ اور گیرونا کی ٹیمیں 8،8 میچز جیت چکی ہیں اور بالترتیب پہلے،دوسرے نمبر پر ہیں،دفاعی چیمپئن بارسلونا کی ٹیم بھی 10میچز کھیل چکی ہے اور 7میچز میں کامیابی کے بعد وہ پوائنٹس ٹیبل پر 24 پوائنٹس کے ساتھ تیسرے نمبر پر ہے،اٹلیٹیکو میڈرڈ کی ٹیم 9 میچز کھیل چکی ہے جس میں سے وہ 7 میچ جیت کر 22 پوائنٹس حاصل کر چکی ہے اور وہ 22 پوائنٹس کے ساتھ ٹیبل پر چوتھے نمبر پر ہے،ریال سوسی ڈیڈ کی ٹیم 18پوائنٹس کے ساتھ پانچویں،ایتھلیٹک بلبا کی ٹیم 17پوائنٹس کے ساتھ چھٹے نمبر پر ہے،ریوویاکانو کی ٹیم 16 پوائنٹس کے ساتھ ساتویں نمبر پر ہے،رئیل بیٹس 14 پوائنٹس کے ساتھ آٹھویں نمبر پر ہے،اوساسونا کی ٹیم 13پوائنٹس کے ساتھ نویں نمبر پر ہے جبکہ ویلنسیا کی ٹیم 11 پوائنٹس کے ساتھ دسویں نمبر پر ہے۔
یہ بھی پڑھیں:امام الحق کی شادی کب ہو گی ؟ پتا چل گیا
