اسلام آباد(نمائندہ خصوصی)پاکستان ٹیم ڈائریکٹر محمد حفیظ نے خود ڈسپلن توڑ دیااور میلبرن سے سڈنی جاتے ہوئے ائیر پورٹ پر فلائٹ مس کر گئے تاہم چند گھنٹے بعد وہ دوسری فلائٹ سے سڈنی پہنچے۔ تفصیلات کے مطابق حفیظ نے پاکستان ٹیم کے ساتھ سڈنی سفر کرنا تھا، حفیظ کی اہلیہ کی نشست بھی اسی فلائٹ میں بک تھی تاہم دونوں میلبرن ائیرپورٹ میں تاخیر سے جہاز تک پہنچے،ائیر لائن کے عملے نے محمد حفیظ اور ان کی اہلیہ کو جہاز پر سوار نہیں ہونے دیا اور تاخیر کی وجہ سے پاکستان ٹیم کے جہاز کے دروازے بند ہو گئے،ذرائع کا بتانا ہے کہ حفیظ اہلیہ کے ساتھ ائیرپورٹ پر تھے لیکن وہ ٹائم نہ دیکھ سکے، ائیر لائن عملے نے حفیظ اور اہلیہ کو جہاز پر بیٹھنے کی اجازت نہ دی، بعد ازاں محمد حفیظ اور ان کی اہلیہ دوسری فلائٹ سے سڈنی پہنچے۔
