ڈھاکہ ، دوحہ (سپورٹس ڈیسک) اینٹی کرپشن کوڈ کی خلاف ورزی پر انٹرنیشنل کرکٹ کونسل (آئی سی سی) نے بنگلادیش کے کرکٹر ناصر حسین پر دو سال کی پابندی عائد کردی۔ آئی سی سی کے مطابق ناصر حسین ایمریٹس کرکٹ بورڈ (ای سی بی) کے اینٹی کرپشن کوڈ کی خلاف ورزی کے مرتکب ہوئے ہیں اور کرکٹرنے کوڈ کی تین شقوں کی خلاف ورزی تسلیم کی ہے جس پر انہیں سزا دی گئی ۔ آئی سی سی نے واضح کیا کہ ناصر حسین معطل سزا کی شرائط پر مطمئن کرنے پر 7 اپریل 2025 سے کرکٹ کی سرگرمیاں شروع کر سکیں گے۔
