عثمان خواجہ کو اپنے بلے سے امن کی علامت فاختہ کا لوگو ہٹانا پڑ گیا

سڈنی (سپورٹس ڈیسک) آسٹریلوی بیٹر عثمان خواجہ کونیوزی لینڈ کیخلاف ٹیسٹ میچ کے تیسرے روز بلے سے امن کی فاختہ کا لوگو ہٹانا پڑگیا۔ عثمان خواجہ نے نئے بیٹ کے لیے پویلین کی طرف اشارہ کیا جس کے بعد 12 ویں کھلاڑی میتھیو رنشا کچھ بیٹ لے کر آئے جس میں سے عثمان خواجہ نے ایک بیٹ منتخب کیا اور یوں انہیں پابندی والا فاختہ کا لوگو ختم کرنا پڑا۔ عثمان خواجہ نے پاکستان کے خلاف باکسنگ ڈے ٹیسٹ میں لوگو لگانے کی درخواست کی تھی جسے انٹرنیشنل کرکٹ کونسل((آئی سی سی ) نے مسترد کردیا تھا۔ عثمان خواجہ فلسطینی عوام کے ساتھ اظہار یکجہتی کرنا چاہتے تھے، وہ پرتھ ٹیسٹ میں اپنے جوتوں پر نعرہ بھی لکھنے کے خواہشمند تھے۔