مردان (وقائع نگار)مردان میں بورڈ آف ایجوکیشن اسپورٹس کمپلیکس میں جوڈو مقابلے میں زخمی ہونے والی طالبہ جاں بحق ہوگئی۔
”پاکستان ٹائم ”کے مطابق ریسکیو حکام کا کہنا ہے کہ جوڈو مقابلے کے دوران سر پر چوٹ لگنے سے طالبہ کی حالت غیر ہوئی تھی۔ انہوں نے بتایا کہ سانس اور دل کی بحالی جاری رکھتے ہوئے طالبہ کو اسپتال منتقل کیا تھا۔ ریسکیو حکام کا کہنا تھا کہ ڈاکٹروں نے 20 سالہ طالبہ کے جاں بحق ہونے کی تصدیق کردی۔
