پشاور (سپورٹس ڈیسک) قومی کرکٹ ٹیم کے وکٹ کیپر و بلے باز محمد رضون نے جلد ہی سابق کپتان بابراعظم کے بھی دولہا بننے کی نوید سنادی اور کہاکہ شاہین آفریدی اور شاداب خان کوبھی میں نے ہی شادی کرنے کا کہا تھا ۔ تفصیلات کے مطابق بلے باز و کیپر کا کہناتھاکہ میں چاہتا ہوں ایمانی صفات جلد پوری ہو جائیں، شادی کرنا اللہ کا حکم ہے، شوہر اور بیوی کا رشتہ اللہ نے بہت مقدس بنایا ہے، بابر اعظم کے ساتھ دوستی ہے،ہم ایک دوسرے سے زندگی کے مختلف پہلووں پر مشورہ کرتے ہیں، کسی بھی وقت ہم دونوں ایک دوسرے کے کمرے میں چلے جاتے ہیں۔ انہوں نے یہ بھی کہا کہ دینِ اسلام ہر کام میں نمبر ون بننے کی تعلیم دیتا ہے،اگر ہر نوجوان ایمانداری سے کام کرے تو ایسا ہو ہی نہیں سکتا کہ پاکستان ترقی نہ کرے۔
