لاہور (سپورٹس ڈیسک)پاکستان سپرلیگ( پی ایس ایل) کے سیزن نائن سے باہر ہونے کے بعد لاہور قلندرز کی انتظامیہ کا بیان بھی آگیا اورسی ای او عاطف رانا کاکہناہے کہ قلندرز جیتیں یا ہاریں لوگ اس ٹیم سے پیار کرتے ہیں، رواں سیزن میں اہم کھلاڑی نہ ہونے کے باوجود قلندرز آخری بال تک لڑےلاہور قلندرز کیلئے پی ایس ایل ختم ہوا ہے محنت کا سلسلہ نہیں، کل سے لاہور قلندرز پھر سے محنت شروع کر دے گی۔ ہار کے بعد خصوصی گفتگو کرتے ہوئے عاطف رانا نے کہا ہے کہ قلندرز شکست سے ڈرنے والے نہیں اس وجہ سے نوجوانوں کو زیادہ موقع دیا، رواں سیزن میں اہم کھلاڑیوں کی عدم دستیابی اور انجری کی وجہ سے کمبی نیشن نہیں بن سکا اور کچھ قسمت نے بھی ساتھ نہیں دیا، اہم کھلاڑی نہ ہونے کے باوجود لاہور قلندرز کی ٹیم آخری بال تک لڑتی نظر آئی۔ ان کاکہناتھاکہ شاہین شاہ آفریدی کلاس کا کھلاڑی ہے ،انہوںنے دو بار پی ایس ایل کا ٹائٹل جیتا، شاہین میں لیڈر شپ کی خوبی ہے، نوجوان اور باصلاحیت کرکٹرز کیلئے قلندرز کے دروازے کھلے رہیں گے۔
