شاہدآفریدی شعیب ملک کے حق میں کھل کر سامنے آ گئے

کراچی (سپورٹس رپورٹر)پاکستان کے سابق سٹار آل راونڈر شاہد آفریدی کا کہنا ہے کہ شعیب ملک کو انگلینڈ کی ہوم سیریز کے خلاف ٹیم میں رکھنا چاہیے تھا۔
نجی ٹی وی کے پروگرام میں قومی سکواڈ کے انتخاب کے حوالے سے گفتگو کرتے ہوئے شاہد آفریدی نے کہا ‘مجھے بہت خوشی ہے کہ ٹیم میں شان مسعود کی واپسی ہوئی لیکن شعیب ملک کو 3 سے 4 میچز دینے چاہیے تھے،ہماری ٹیم کو اس ایریا میں ایک اچھے بیٹر کی ضرورت ہے اور وہ(شعیب ملک)تجربہ کار ہے، مسلسل اسی نمبر پر کھیلتا رہا ہے۔ایشیا کپ کے اختتام کے بعد شعیب ملک کی جانب سے پسند ناپسند اور دوستی یاری کے کلچر والی ٹوئٹ سے متعلق سابق کپتان نے کہا میرا نہیں خیال شعیب ملک کو وہ ٹوئٹ کرنی چاہیے تھی، اسے ضرورت نہیں تھی وہ کرنے کی، تھوڑا انتظار کرلیتا، ٹیموں کا اعلان ہونا تھا۔

شاہد آفریدی نے شعیب ملک سے متعلق مزید کہا ‘وہ لڑکا ٹیم میں ہونے کا مستحق تھا، اس نے دنیا میں ہر جگہ کرکٹ کھیلی ہے اور وہ ہر ٹیم میں پرفارم کرتا ہے، دنیا کی ہر فرنچائز کا انتخاب شعیب ملک ہوتا ہے، وہ سب سے زیادہ فٹ کھلاڑی ہے،شعیب کے ہونے سے بابر اعظم کو گراونڈ میں بہت سپورٹ ملتی چاہے وہ کھیلتا یا نہیں۔

اس خبر پر اپنی رائے کا اظہار کریں

اپنا تبصرہ بھیجیں