سیکنڈ ہینڈ آئی فون خریدنے سے پہلے یہ خبر پڑھ لیں

لاہور(خصوصی رپورٹ) آئی فون رکھنے کا شوق ہر کسی کو ہوتا ہے لیکن پاکستان سمیت دنیا کے متعدد ممالک میں ایپل کے یہ فونز اس قدر مہنگے ہیں کہ لوگ کم ہی ڈبہ پیک خریدتے ہیں،کئی لوگوں کی کوشش ہوتی ہے کہ انہیں سیکنڈ ہینڈ اچھا آئی فون مل جائے،سیکنڈ ہینڈ آئی فون خریدنے سے پہلے اس خبر کا پڑھنا آپ کے لئے فائدے مند ثابت ہو گا۔
”پاکستان ٹائم“کے مطابق اکثر لوگ آئی فون کے اصلی پارٹس نکال کر اس میں نقلی پارٹس ڈالتے ہیں اور پھر قیمت اصلی والی وصول کرتے ہیں،جب کہ آئی فون کچھ عرصہ چلنے کے بعد جواب دے دیتا ہے۔اب اگر آپ آئی فون لینے کا سوچ رہے ہیں تو فکر کی کوئی بات نہیں کیونکہ آج ہم آپ کو ایک ایسی تکنیک بتائیں گے جس پر عمل کرتے ہوئے آپ کسی جعلساز کے چنگل میں نہیں آسکیں گے۔آپ سیٹنگ میں جا کے آئی فون کے پارٹس اصلی ہیں یا نقلی ہونے کا پتہ لگا سکتے ہیں۔آئی او ایس 15.2 والے آئی فونز میں بِلٹ ان سیٹ اپ ہوتا ہے جس کے ذریعے یہ معلوم کیا جاسکتا ہے کہ جو پارٹس اس میں لگائے گئے ہیں وہ اصلی ہیں یا نقلی؟۔سیٹنگ میں جانے کے بعد ’جنرل‘ اور پھر ’آباوٹ‘ کے آپشن پر کلک کریں،اگر خریدے جانے والے آئی فون میں دو نمبر پارٹس ہیں تو سسٹم انہیں ریڈ نہیں کرسکے گا،اس صورت میں’پارٹس اینڈ سروس ہسٹری‘ کے آپشن کو استعمال کریں۔پارٹس اینڈ سروس ہسٹری کے آپشن میں جا کر مزید تفصیلات کے آپشن کو سیلکٹ کریں،اس سے ایسے جعلی پارٹس کے بارے میں پتہ لگ جائےگا جو اس میں لگائے گئے ہیں۔ان میں موجود بعض سسٹم کے ذریعے آپ آئی فون میں لگی بیٹری کے بارے میں بھی معلوم کر سکتے ہیں کہ گویا وہ اوریجنل ہے یا اسے بھی دو نمبر لگایا گیا ہے۔ہمیں امید ہے کہ یہ معلومات ”پاکستان ٹائم“ کے پڑھنے والوں کے لئے انتہائی مفید ثابت ہوں گی۔