نئی دہلی (مانیٹرگ ڈیسک)بھارتی ریاست بہار کے پٹنا ریلوے سٹیشن پر لگیں ٹی وی سکرینز پر فحش فلم چل گئی ۔
پاکستان ٹائم کے مطابق بھارتی میڈیا کا کہناہے کہ اتوار کی صبح تقریباً ساڑھے 9 بجے یہ واقعہ پیش آیا اور ٹی وی سکرینز پر فحش فلم 3منٹ تک چلتی رہی جس پر مسافروں نے فوری ریلوے پولیس کو اطلاع دی, ریلوے حکام نے واقعہ کا فوری نوٹس لیتے ہوئے سکرین پر اشتہار چلانے کے ذمہ دار ادارے سے رابطہ کیا اورسکرینز پر چلنے والی فحش فلم کو فوری ہٹوایا۔
ریلوے حکام نے غفلت برتنے پر کمیونیکیشن ایجنسی کے خلاف مقدمہ درج کرادیا جب کہ ایجنسی کو بلیک لسٹ کرتے ہوئے اس پر جرمانہ بھی عائد کیا ہے۔ریلوے حکام نے کمپنی سے کانٹریکٹ ختم کرتے ہوئے معاملے کی مزید تحقیقات کا حکم دے دیا۔
