پاکستان کے سٹار فاسٹ بولر کا ناٹنگھم شائر کاوئنٹی سے معاہدہ ہو گیا

لاہور(ویب ڈیک ) پاکستان کے سٹار تیزگیند باز اور پاکستان سپر لیگ سیزن 8 میں لاہور قلندرز کے کپتان شاہین شاہ آفریدی کاناٹنگھم شائرکاوئنٹی سے معاہدہ ہو گیا۔
” پاکستان ٹائم “کے مطابق شاہین شاہ آفریدی رواں سال ٹی ٹوئنٹی بلاسٹ میں ناٹنگھم آوٹ لاز کی نمائندگی کریں گے ، پاکستان کے سٹار فاسٹ بولر شاہین شاہ آفریدی رواں سال 20 مئی سے شروع ہونے والے ٹی ٹوئنٹی بلاسٹ میں ناٹنگھم آوٹ لاز کی جانب سے ایکشن میں دکھائی دیں گے ، شاہین شاہ آفریدی کے علاوہ نیوزی لینڈ کے ٹاپ آرڈر بیٹر کولن منرو بھی بطور غیر ملکی کرکٹر ناٹنگھم آوٹ لاز کا حصہ ہیں۔
یاد رہے کہ حال ہی میں لاہور قلندرز نے شاہین شاہ آفریدی کی قیادت میں لگا تار دوسری مرتبہ پی ایس ایل ٹائٹل جیتا ہے اور شاہین شاہ آفریدی کو پی ایس ایل ٹیم آف دی ٹورنامنٹ کا کپتان بھی مقرر کیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں