ممبئی(شوبز رپورٹر ) بھارتی اداکارہ امیشا پٹیل نے اپنی نئی آنے والی فلم غدر2 کے پروڈیوسر انیل شرما پر سنگین الزامات عائد کردیئے اورکہاکہ ٹیم ممبران کو شوٹنگ کے آخری دن شہر میں بغیر کسی رہائش اور ٹرانسپورٹ کے چھوڑ دیا گیا اور کھانے کے بل بھی ادا نہیں کیے گئے جس سے انہیں مشکلات کا سامنا کرنا پڑا۔
ٹوئٹر پر اداکارہ نے فلم کی پروڈکشن کمپنی کا شکریہ ادا کیا ہے اور بتایا کہ فلم سیٹ کے متعدد ٹیکنیشن، میک اپ آرٹسٹس اور کسٹیوم ڈیزائنرز کو انیل شرما پروڈکشنز سے ان کے محنت کے مطابق معاوضہ نہیں ملا۔ اداکارہ کا کہنا تھا کہ زی اسٹوڈیو نے اس موقع پر آگے بڑھ کر یقین دلایا کہ سب کو ان کا معاوضہ ادا کیا جائے گا کیوں کہ وہ ایک پروفیشنل کمپنی ہے۔
یہ بھی پڑھیں:شاہ رخ خان امریکہ میں حادثے کا شکار،مداحوں کے لئے پریشان کن خبر آ گئی
