لاہور (کرائم رپورٹر ) سیشن کورٹ میں مخالفین کی فائرنگ کے نتیجے میں پیشی پر آئی خاتون سمیت 2 افراد جاں بحق ہوگئے، واقعہ کی اطلاع ملنے پر پولیس کی بھاری نفری اور ریسکیو ٹیم سیشن کورٹ پہنچ گئی۔
پولیس کے مطابق ریسکیو ٹیموں نے دونوں افراد کو شدید زخمی حالت میں ہسپتال منتقل کیا تاہم وہ جانبر نہ ہو سکے ، جاں بحق ہونے والوں کو 9 گولیاں لگیں۔ پولیس کی جانب سے واقعہ کی تحقیقات کا آغاز کر دیا گیا ہے۔
