اسلام آباد(نمائندہ خصوصی)حکومتی اتحاد میں شامل تمام جماعتوں کو دودن میں نگران وزیراعظم کیلئے نام دینے کی ڈیڈلائن دے دی گئی۔ پاکستان ٹائم کے مطابق پارلیمنٹ ہاﺅس میں ہونیوالے مشاورتی اجلاس میں پیپلز پارٹی کے نوید قمر، ن لیگ کے ایاز صادق، سعد رفیق، مسلم لیگ ق، جمہوری وطن پارٹی کے شاہ زین بگٹی اور دیگر اتحادی جماعتوں نے شرکت کی ۔ذرائع نے بتایاکہ اجلاس میں فیصلہ کیا گیا کہ تمام سیاسی جماعتیں پارٹی قیادت کی مشاورت سے دودن میں نام دیں تاہم ذرائع کا بتانا ہے کہ اجلاس میں صوبائی اسمبلیوں کی تحلیل سے متعلق مشاورت نہیں کی گئی۔
